Independent daily Newspaper

 Home

 Old Archive RSS Feed    Advertise

About

Music 

 Kurdish Poems By Dr. Khoshnaw  - هۆنراوه‌ی دکتۆر خۆشناو - هه‌ولێر

  Dr. Xoshnaw's poems page
  

 

 Email: dr.khoshnaw(at)hotmail.com

  We need writers

 کوبانێ



کوبانێ
هۆنراوه‌ی دکتۆر خۆشناو

لەم جەژنەدا
ئۆردگان و داود ئۆغلو
لە سەر خوانی داعشن
بە مێوانداری ئۆباما
گۆشتی ناسکی لاوانی کوبانێ
دەکەنە تکە وپێکی خوێنیان دەنۆشن
بە ئاوازی ناڵەناڵی پیر و منداڵانی کوبانێ
لەگەڵ سەمای بە زۆر پێکراوی
کچە سەبایەکانی شەنگالێ سەرخۆشن
لەم جەژنەدا
خوا خۆی دادەبەزێتە کوبانێ
تاجی سەربەرزی و خۆڕاگری
دەنێتە سەر هەموو گەریلاێک
نوری پیرۆزی لە مەککە وقودس
دەگۆزێتەوە کوبانێ
سۆزی سەربەخۆیی و یەکبوون
دەبارێنێتە دڵی کوردی هەموو لاێک
هەر لەم جەژنە
کچ و کوڕانی کوبانێ
دنیایان هێنایە هەژانێ
داستانێکی هەرگیز نەبیستراو و
نەبیندراو و ڕوونەدرا ونەزاندراوی
بەرخودان و بەرگری
لە دڵی مێژووی ئازایەتی تۆمار دەکەن
لەم جەژنەدا
شەیتانیش
پیاوەکانی لە تورکیا وسعودیە و
لە کەنداویش
کۆدەکاتەوە
تا بەرنامەی داعش ئەپدێت کاتەوە
لەم جەژنەدا
جۆ بایدن
بۆ یەکەم جار لە ژیانیدا
ڕاستی گووت
کەچی ڕاستگۆیی لێنەکەوت
هەرزوو داوای لێبوردنی کرد
هەر لەم جەژنە
کورد بە تەواوی تێگەیشت
شتێک نیە لەم جیهانە
بە ناوی مرۆڤایەتی وئاشتی
هیچ دۆستێکی نیە لەم جیهانە
جگە لە چەکەکەی دەستی
هەر لەم جەژنە
لە کوبانێ
لاوانی کوردی هەموو لایەک
رێگانەخشەیەکی تازە
بۆ سەربەخۆیی دادەڕێژن
زوو یان درەنگ
سنوورەکان تێکدەشکێنن
زوو یان درەنگ
کۆماری کوردستانی دیموکراسی
بەیەک پارچە ڕادەگەیێنن

دکتۆر خۆشناو
٧/١٠/٢٠١٤

 
 

Top 

 

Copyright 1998-2016 Kurd Net . All rights reserved  Ekurd.net
All documents and images on this website are copyrighted and may not be used without the express
permission of the copyright holder.